Constituído o Consello Estatal de Estudantes de Enxeñaría Química (CEIQ)

O pasado 7 de xullo do 2010 tivo lugar en Madrid a Asemblea Constituínte do Consello Estatal de Estudantes de Enxeñaría Química.

Á reunión asistiron representantes de centros de Enxeñaría Química das Universidades de Zaragoza, Cádiz, Almería, Santiago de Compostela, La Laguna, Huelva, Castela-A Mancha, Politécnica de Valencia e Politécnica de Madrid.

A asociación terá como fins servir de interlocutor dos estudantes de Enxeñaría Química, buscar a regularización da profesión do Enxeñeiro Químico en España traballando conxuntamente coa Conferencia de Directores e Decanos de Enxeñaría Química, co Consello de Colexios e a Federación Española de Enxeñaría Química.
Foi elixido Presidente D. Ernesto Ubieto, alumno da UPM. Así mesmo na primeira reunión aprobouse celebrar a primeira Asemblea do Consello na Escola Técnica Superior de Enxeñeiros Industriais de Madrid o próximo mes de Novembro, coincidindo co Congreso Nacional de Enxeñaría Química que organizará FEIQ.

Máis información sobre a Asemblea