O Seminario Seveso está conformado por un conxunto de actividades orientadas á difusión de coñecemento en materia de riscos, á difusión de desenvolvementos de estratexias integradas de xestión de riscos e emerxencias e ao establecemento de relacións entre os axentes implicados, incluída a sociedade.

Directores: D. Antonio Blanco Seoane, D. José M. Navaza Dafone e Dna. Isabel Vidal Tato.
Días: 24 e 25 de Outubro de 2011
Hora: de 9:00 a 14:00 h
Lugar: FEUGA

Este curso ten como obxectivo específico a introdución do alumno de últimos cursos e posgrao en aspectos do funcionamento real da instrumentación. Como obxectivo máis xeral está o fomento do asociacionismo estudantil con fins científico-técnicos, como medio de adquisición e difusión do coñecemento no campo da automatización e monitorización de procesos químicos e o establecemento de relacións co mundo profesional.

Datas: 4 e 5 de novembro
Horarios: venres 4, de 15:00 a 20:00h; sábado 5, de 9:00 a 14:00h
Lugar: Salón de Actos da ETSE

O vindeiro 22 de outubro ás 22:00 terá lugar a cea da terceira promoción de Enxeñería Química, con motivo do décimo aniversario da mesma. Será no restaurante Cotolay (rúa San Clemente 8, Santiago de Compostela).
Confirmar asistencia: hector.rodriguez (arroba) usc.es

A calidade converteuse nunha ferramenta básica de xestión e imaxe dentro das modernas empresas. Sen embargo o traballo de xestores e auditores debe ser respaldado por un organigrama organizativo comprometido co sistema, que sexa quen de empregalo, alimentalo de información e sacar beneficios do mesmo.

Dende o COEQGa, conscientes da importancia que ten a formación en ámbitos coma a calidade, organizouse un curso básico dirixido a estudantes de 4º e 5º curso, recén titulados e profesionais non familiarizados con entornos de xestión de acordo coa norma ISO 9001.